სისხლის სამართლის სასამართლომ სასიკვდილო განაჩენი გამოუტანა ქალს, რომელიც ეჭვმიტანილია ციანიდით 14 ადამიანის მკვლელობაში და დამნაშავედ ცნო ერთი მეგობრის მკვლელობაში გასულ წელს.
არსებული ინფორმაციით, მსჯავრდადებული, 36 წლის სარარატ რანგსივუტაპორნი, აზარტულ თამაშებზე იყო დამოკიდებული. სანამ 10-ზე მეტ მსხვერპლს ქიმიკატით მოკლავდა, მათ თაღლითური გზით ათასობით დოლარი გამოსძალა.
ბანგკოკის სასამართლომ სარატი მისი მეგობრის 32 წლის სირიპორნ ხანვონგის სასიკვდილო მოწამვლისთვის ოთხშაბათს გაასამართლა.
“ისინი ერთმანეთს გასული წლის აპრილში, ბანგკოკის მახლობლად შეხვდნენ, რათა ბუდისტური რიტუალის ფარგლებში, მდინარე მაე კლონგში თევზი გაეშვათ. მალევე ქალის მეგობარს – სირიპორნს გული წაუვიდა და გარდაიცვალა. თავდაპირველად ფიქრობდნენ, რომ ქალი ბუნებრივი სიკვდილით გარდაიცვალა, თუმცა გაკვეთამ სხეულში ციანიდის კვალი აღმოაჩინა,“ – წერს მკვლელობის დეტალებს theguardian.
- 2023 წლის აპრილში სარაატი მეგობართან სირიპორნ ხანვონგთან ერთად გაემგზავრა რაჭაბურის პროვინციაში, ბანგკოკის დასავლეთით. გამომძიებლების თქმით, სირიპორნი ჭამის შემდეგ გარდაიცვალა. მის სხეულში ციანიდის კვალი აღმოაჩინეს, ხოლო ტელეფონი, ფული და ჩანთები დაკარგული იყო.
პოლიცია აცხადებს, რომ სარარატის მანქანაში კალიუმის ციანიდის კვალი აღმოაჩინეს. ითვლება, რომ ხანვონგი მისი მე-15 მსხვერპლია.
სასამართლოს გადაწყვეტილება სამართლიანია. მინდა ვთქვა, რომ ჩემი შვილი ძალიან მენატრება და დღეს სამართალი აღსრულდა,” – განაცხადა მოკლული ქალის დედამ ტონგპინ კიაჩანასირიმ სასამართლოს ვერდიქტის შეფასებისას.
პოლიციის განცხადებით, სერიული მკვლელი მის დამოკიდებულებას, აზარტული თამაშებისადმი მსხვერპლებისგან ფულის სესხებით იკმაყოფილებდა. ერთ-ერთი ქეისი მიხედვით, მან მსხვერპლისგან დაახლოებით 6800 ფუნტი ისესხა, შემდეგ კი სამკაულები და ტელეფონი მოჰპარა. ბოლოს მოწამლა და თავიდან მოიშორა.
- ეროვნული პოლიციის უფროსის მოადგილის განცხადებით, მკვლელი – სარარატ რანგსივუტაპორნი “ნაცნობ ადამიანებს ფულს სთხოვდა… ხოლო, როდესაც ადამიანები ვალის დაბრუნებას სთხოვდნენ, ის მათ კლავდა”. ასევე აღმოაჩინეს, რომ აქვს დასაფარი ძალიან ბევრი საკრედიტო ბარათი.
პოლიციის თქმით, სერიული მკვლელის 15 მსხვერპლიდან, ერთ-ერთი გადარჩა. მას სარარატი აიძულებდა “სამკურნალო ბალახეული კაფსულები“ დაელია, რომელიც სინამდვილეში საწამლავი იყო. საერთო ჯამში, მას დაახლოებით 80 დანაშაულში წაუყენეს ბრალი.
2-წლიანი თავისუფლების აღკვეთა მიესაჯა სარარატის ყოფილ ქმარსაც, პოლიციელს, რომელსაც სასამართლო მტკიცებულებების დამალვისთვის ედავებოდა.
ციანიდი ძლიერ მომწამვლელი ნივთიერებაა – შეიძლება გამოიწვიოს გულის შეტევა. ადრეული სიმპტომებია თავბრუსხვევა, ქოშინი და ღებინება. იწვევს ფილტვების დაზიანებას და კომას. მისი დიდი რაოდენობით მიღება სასიკვდილოა. ტაილანდში ციანიდის გამოყენება მკაცრად რეგულირდება.
