რუსთავის შემოსასვლელში ავტოსაგზაო შემთხვევა მოხდა. საინფორმაციო სააგენტო “ინფო რუსთავის” ცნობით, “ფორდის” მარკის მსუბუქი ავტომობილის მძღოლმა საჭე ვერ დაიმორჩილა, გზის სავალი ნაწილიდან გადავარდა, ჯებირები გაანგრია და მეორე ხარისხოვან გზაზე ჩავარდა.
შემთხვევი დროს ავტომობილში 5 ადამიანი იჯდა, დაშავდა მხოლოდ ერთი. დაშავებული სასწრაფო დახმარების ეკიპაჟმა კლინიკა “რუსთავში” გადაიყვანა.
როგორც სამედიცინო დაწესებულების გადაუდებელი დახმარების განყოფილების ხელმძღვანელმა, ხათუნა რევაზიშვილმა განგვიცხადა, პაციენტს ზედა კიდურის ტრავმა აღენიშნება და ჩაუტარდება ოპერაცია.
