მსახიობი ნანკა კალატოზიშვილი რუსთაველის გამზირზე მიმდინარე მოვლენებს ეხმაურება და მადლობას უხდის ყველა ოპერატორს, რომელიც აქციაზე მოვლენების ეპიცენტრში მუშაობენ.
ასევე მადლობას უხდის ასევე იმ ადამიანებს, რომლებმაც სამთავრობო არხები დატოვეს.
“რუსკა (მაყაშვილი) იქნება, დუტა, თუ სხვა, ეს ადამიანები რეპუტაციის ხარჯზე ასულდგმულებენ არხს, რომელიც არის პროპაგანდისტული – ვერ დავიჯერებ, რომ ნიკა წულუკიძეს მოსწონს ეს, მაგრამ დღეს მარტო იმით შეუძლია შემოიფარგლოს, რომ “თავისუფლება ანდროს” დაწეროს.
დღეს, იმ არხზე მუშაობს ჩვენი უსაყვარლესი ნიკა წულუკიძე და იმასაც ვერ ბედავს, რომ ეთერიდან დაგმოს. აი, ეს არის ჩემთვის ტრაგედია. ვიცი, ნიკას როგორ ვუყვარვარ და ზუსტად იცის, როგორ გვიყვარს ჩვენ.
მე ძალიან მიყვარს ნიკა და ძალიან დიდ პატივს ვცემ, მაგრამ უნდა ხვდებოდეს, რომ თავისი კარგი რეპუტაციით, კარგი ადამიანობით ის არ იმსახურებს, რომ მისი ცნობადობით ესენი რეიტინგს იწერდნენ” – განაცხადა მსახიობმა “ფორმულას” ეთერში განაცხადა.
