მომღერალი გიორგი სუხიტაშვილი უერთდება პროტესტს და დაგეგმილ ღონისძიებებს ისიც აუქმებს. ამის შესახებ სუხიტაშვილი სოციალურ ქსელში წერს და განმარტავს, რომ მისი შემოსავლების 90% სწორედ მის პროფესიას უკავშირდება.
“წუწუნს არ დავიწყებ უბრალოდ მოგიყვებით და დასკვნა თქვენ გააკეთეთ. მთელი 2024 წლის განმავლობაში უამრავი ღონისძიება მქონდა დაგეგმილი, ამ ღონისძიებების 60-70% ოქტომბერზე, ნოემბერზე და დეკემბერზე მოდის. ამ შემოდგომაზე ერთი ხელის თითებიც ზედმეტია იმის დასათვლელად რამდენი ღონისძიება მქონდა.
ჩემი შემოსავლის 90% უკავშირდება ჩემს პროფესიას (ის 10%-ც იმიტომ დავიტოვე ვინმე ინტრიგანმა არ წამომაძახოს სადმე რამე)დიდი ხანია ვისმენ ცილისწამებას, ვითომ ჩემს მოსაზრებებში მიხდიან, მომისყიდეს და კიდევ 1000 სიგიჟე.
მიუხედავად ამ ყველაფრისა მე მჯერა რომ ოდესმე ამ ქვეყანაში ყველას დაუფასდება ის შრომა რაც გაუწევია და რასაც გულმოდგინედ აკეთებს. ყველამ ის უნდა მიიღოს რასაც იმსახურებს, არც მეტი და არც ნაკლები. რაც დეკემბერი დაიწყო ვიღებ უამრავ მესიჯს რომ დავეხმარო მრავალშვილიან ოჯახებს, მძიმე სენით დაავადებულებს, ბავშვებს ვისაც ნაძვის ხე და ტკბილეული არა აქვთ და კიდევ ვინ მოთვლის.
ბოდიშს გიხდით ყველას რომ ვერ ან არ გპასუხობთ და რომ გპასუხობთ ხშირად ვილანძღები იმის გამო რომ არ მაქვს. გულწრფელად გეტყვით ეს უბედურება რაც გვჭირს იცით, რის და ვის გამოცაა ხომ და ეს თქვენი აგრესია მიმართეთ სწორი მიმართულებით! ახლა ისეთი სიტუაციაა განსაკუთრებით ჩვენს სფეროში რომ თუ ასე გაგრძელდა აქეთ დასახმარებლები გავხდებით.
კიდევ ერთხელ ვამბობ არ ვწუწუნებ და არც თავს ვაცოდებ ვინმეს. ოპტიმისტი ვარ და ასეთი სიტუაციას ბევრჯერ მქონია (სამწუხაროდ).p.s. მირჩევნია მშიერი ამომძვრეს სული ვიდრე რუსეთის ტრაკში ვზეიმობდე რამეს.საქართველო უნდა გადარჩეს!” – წერს სუხიტაშვილი.
გუშინ სოციალურ ქსელში მომღერალმა სტეფანე მღებრიშვილმაც გამოაქვეყნა პოსტი, სადაც წერდა, რომ ქვეყანაში შექმნილი ვითარების გამო ყველა დაგეგმილი ღონისძიება გააუქმა.
“11 კორპორატიული და ახალი წლის ღონისძიებაც გავაუქმეთ.ჩემს გარდა ბენდში 11 მუსიკოსია, ხმის რეჟისორი და მენეჯერები.მთავარია ჩვენი ქვეყანა იყოს კარგად და მერე ჩავატარებთ ბევრს”, – წერს მუსიკოსი სოციალურ ქსელში.
