ახალი წლის დადგომას მსოფლიო მოუთმენლად ელოდება. გამონაკლისი, რა თქმა უნდა, არც დუბაია: მსოფლიოში ყველაზე მაღალი ცათამბჯენის მახლობლად აღმაფრთოვანებელი ფეიერვერკები, პლაჟის ხალისიანი წვეულებები მეგავარსკვლავების წარმოდგენებით… ქალაქი დაუვიწყარ და ექსტრაორდინარულ საახალწლო დღესასწაულებს ჰპირდება ვიზიტორებს.
ბრიტანულ გამოცემა Daily mail-ს დუბაის მაცხოვრებელი თავის საახალწლო გამოცდილებას უზიარებს:
ლინდა ანდრადის თქმით, მეუღლემ საახალწლოდ 10 კარატიანი ბრილიანტის საყურეები აჩუქა. მოგვიანებით ისინი საყიდლებზე დუბაის გლამურულ ცენტრებში მიდიან, სადაც შვილისთვის Dior-ის კაბებს ყიდულობენ.
როგორც ყველა მუსულმან ბავშვს, მას ბევრი ოქრო სჭირდება. მართალი გითხრათ, მისი სამკაულები ჩემთვის უფრო მნიშვნელოვანია, ვიდრე განათლება, რადგან თუ მდიდარი, ლამაზი და ჭკვიანი ხარ, არ მოგიწევს შრომა. არაბულ ქვეყნებში პრაქტიკულად არალეგალურია, როცა პატარა გოგონას ოქროს სამკაული არ აქვს. სოციალური ქსელიდან წელიწადში დაახლოებით $100,000 (£ 80,000) შემომაქვს, რაც კარგი ჯიბის ფულია – განსაკუთრებით წელიწადის ამ დროს.
როდესაც ამირა (ჩემი შვილი) სულ რამდენიმე დღის იყო, 3,000 დოლარის ღირებულების ოქროს საწოვარა და 6,000 დოლარიანი Dior-ის ეტლი ვუყიდე. ლოს-ანჯელესში ეს შეიძლება მძარცველების სამიზნე გამხდარიყო, მაგრამ დუბაიში დანაშაულის დონე ძალიან დაბალია.
მიუხედავად იმისა, რომ ის მუსლიმური სახელმწიფოს დედაქალაქია და რელიგიურად საკმაოდ მკაცრია, დუბაიმ იცის როგორ შეხვდეს შობას… ალბათ იმიტომ, რომ არაბები ძალიან აფასებენ ოქროს.
ადამიანების უმეტესობა არც კი ფიქრობს ქრისტიანულ ელემენტზე. აქ არ არის აქტუალური. ჩვენ უბრალოდ გვიყვარს კარგი დროის გატარება. მაგრამ წელს ისლამური ელემენტების დამატება მინდა: ჩემი მეუღლე დავარწმუნე, რომ საახალწლო ნაძვის ხე მოხრილი ყოფილიყო, მუსლიმანური ნახევარმთვარის ფორმის.
რიკის ოჯახი მექსიკიდანაა, ჩემი კი პალესტინიდან. ერთმანეთს სპორტდარბაზში შევხვდით, მაშინ საშუალო სკოლაში ვსწავლობდი. მან თავიდანვე იცოდა, რომ მაღალი სტანდარტები მქონდა და თუ ჩემი ქმრობა სურდა, მილიონერი უნდა ყოფილიყო.
ისარგებლეთ ბრიტანეთის საუკეთესო შეთავაზებით და წადით საყიდლებზე New Bond Street-ზე. შედით ჰერმესში და აირჩიე ჩანთა, რომელიც £2650 ღირს. მაშინაც კი, თუ თქვენ ჩემსავით ახალი დედა ხართ, მნიშვნელოვანია, რომ დრო დაუთმოთ სილამაზის პროცედურებს. სინამდვილეში, ეს ორჯერ უფრო მნიშვნელოვანია. არ მსიამოვნებს თმის დაბანა, ამიტომ სალონში დავდივარ ყოველ მეორე დღეს.
