სანქ-პეტერბურგში სამი და, ოლგას, ქსენიასა და პარასკევას სიკვდილმა საზოგადოება შეძრა. ქალების ცხედრები მათმა ძმამ იპოვა.
- გავრცელებული ინფორმაციით, ქალები ნათესავებს მათთან სტუმრობას უკრძალავდნენ და იშვიათად გადიოდნენ კონტაქტზე, ამიტომ წარმოდგენა არ ჰქონდათ, რას საქმიანობდნენ დები.
28 ივლისს მათთან სახლში უფროსი ძმა მივიდა, რათა დები ქალიშვილის დაბადების დღეზე დაეპატიჟებინა, მაგრამ ისინი გარდაცვლილი დახვდა. შემთხვევის ადგილზე მისული ექიმების წინასწარი დასკვნით, ისინი დაახლოებით ორი კვირის გარდაცვლილები იყვნენ.
როგორც გაირკვა, დები თავშეკავებულ ცხოვრებას ეწეოდნენ.
“ცნობილია, რომ ოლგა 2021 წლიდან აღარ მუშაობდა და დეპრესიაში იყო. ქსენია და პარასკევა ხშირად რჩებოდნენ მასთან. დებს საკვებსა და ფულს პენსიონერი დედა აწვდიდათ, მაგრამ ცოტა ხნის წინ, გოგონებმა უარი განაცხადეს ფულსა და საკვებზე, რის შედეგადაც წონაში ძალიან დაიკლეს”ამბობს ოჯახის ახლობელი.
მოგვიანებით გაირკვა, რომ დებმა შიმშილობა ორი თვის წინ დაიწყეს. ისინი გარეთ აღარ გადიოდნენ და არც სახლში უშვებდნენ ახლობლებს. ბინიდან გაუშვეს უმცროსი ძმა, რომელიც 24 წლის გახდლათ. მედიაში ვარაუდობენ, რომ გარდაცვლილები სექტის წევრები იყვნენ.
საგამოძიებო კომიტეტმა სისხლის სამართლის საქმე აღძრა და ქალების გარდაცვალების მიზეზები დგინდება. საქმის მასალებში ნაცნობი წყარო ამბობს, რომ უმცროსი დები ყველაფერში ემორჩილებოდნენ უფროს დას. განათლება ყველა მათგანს ჰქონდა მიღებული, მაგრამ არ მუშაობდნენ.
“სახლში არ შემიშვეს როდესაც საჭმელი და ფული მივიტანე. დავინახე, რომ ჩემი ქალიშვილები წონაში იკლებდნენ, მაგრამ ოლგას გარდა არავის უსმენდნენ. მათ უმცროსი ძმის სახელის გაგონებაც კი არ სურდათ, რომელიც მათთან ცხოვრობდა. სახლიდან გააგდეს“, – ჰყვება გარდაცვლილების დედა რუსულ მედიასთან.
როგორც გამოძიებამ გაარკვია, ისინი ჰომეოპათები იყვნენ: არ იღებდნენ წამლებს და უარს ამბობდნენ თანამედროვე მკურნალობაზე. ოჯახს შვიდი შვილი ჰყავდა. მამა სასულიერო პირი იყო და ორი წლის წინ გარდაიცვალა. მის გზას გაჰყვა ორი ვაჟიც. რაც შეეხება გარდაცვლილებს ოლგა 35 წლის იყო, ქსენია 29 წლის, პარასკევა კი 19-ის.