თმის საღებავის ალერგიამ საშინელი შედეგი გამოიწვია – 27 წლის რაიან ბრიგსის თქმით, მისი თავი იმდენად “გაიზარდა”, რომ შეყვარებულს მისი შეხედვაც კი არ შეეძლო.
საღებავის გამოყენების შემდეგ, რაიანს შუბლზე გამონაყარი გაუჩნდა, თუმცა ეს მხოლოდ დასაწყისი იყო. ალერგიული რეაქციიის შემდეგ მთლიანი თავი შესივდა, სახეზეც გადავიდა და მამაკაცს მხედველობის პრობლემა შეუქმნა.
საავადმყოფოში მისულს უთხრეს, რომ მას ჰქონდა რეაქცია პარფენილენდიამინზე, ქიმიკატზე, რომელიც ჩვეულებრივ გვხვდება თმის საღებავებში.
“‘თავდაპირველად საღებავმა ოდნავ დამწვა, მაგრამ მეგონა, რომ ასეც უნდა ყოფილიყო. მეორე დილით საშინელი გამონაყარი მქონდა შუბლზე. გამონაყარზე იმდენად არ ვინერვიულე, მაგრამ მთელი დღის განმავლობაში თავი ზომაში იზრდებოდა. საავადმყოფოში მივედი და სახლში გამომიშვეს, მითხრეს, რომ გაუარესების შემთხვევაში ექიმს დავკავშირებოდი. ჩემს თავს საერთოდ არ ვგავდი. საშინელებაა, “მეგამაინდს” დავემსგავსე. ახლა ყველაფერი დასრულდა. ყოველთვის გაიკეთეთ პაჩ-ტესტი” – ამბობს რაიანი.