რუსული მედია ეხმაურება საქართველოში რუსი ტურისტის გარდაცვალებას – ახალგაზრდა ქალი მიწისქვეშა გადასასვლელში ჩავარდნის შედეგად დაიღუპა.
ტრაგედია თბილისში, რესპუბლიკის მოედნის ტერიტორიაზე მოხდა. ღამით ორ საათზე მოხდა, როდესაც ორი მეგობარი დედაქალაქში ქუჩებში სეირნობდა, ალა პუგაჩოვას ცნობილ ჰიტს “Веселые ребята-ს” მღეროდა და ამ დროს ვიდეოს იღებდნენ. ვიდეოჩანაწერში ჩანს, რომ მოულოდნელად ერთ-ერთ მათგანს – 24 წლის არინა გლაზუნოვას ფეხი დაუცდა და მიწისქვეშა გადასასვლელში ჩავარდა, რის შედეგადაც თავის მძიმე ტრამვა მიიღო.
დაზარალებული საავადმყოფოში გადაიყვანეს, სადაც ექიმებმა მას ქალის ძვლის დაზიანება დაუდგინეს. მიუხედავად მედიკოსების ძალისხმევისა, გოგონას გადარჩენა ვერ მოხერხდა. ის 27 სექტემბერს, პარასკევს გარდაიცვალა.
“ამ დროისთვის იმ ადგილას, სადაც გოგონა ჩავარდა, მეგობრებმა ყვავილები მიიტანეს და იმპროვიზირებული მემორიალი გააკეთეს”, – წერს ერთ-ერთი გამოცემა.