დაშლა: რა ხდებოდა ჭავჭავაძის გამზირზე? – ღამის ქრონიკა(ფოტო)

გამ­თე­ნი­ი­სას ჭავ­ჭა­ვა­ძე­ზე შეკ­რე­ბი­ლი პრო­ტეს­ტან­ტე­ბი, რომ­ლე­ბიც ღა­მეს კარ­ვებ­ში ათევ­დნენ სა­მარ­თალ­დამ­ცა­ვებ­მა და­შა­ლეს.

შე­გახ­სე­ნებთ, ჭავ­ჭა­ვა­ძის გამ­ზი­რი­სა და ვა­რა­ზის­ხე­ვის და­მა­კავ­ში­რე­ბე­ლი გზაჯ­ვა­რე­დი­ნი ორი დღის გან­მავ­ლო­ბა­ში მო­მი­ტინ­გე­ებს ჰქონ­დათ გა­და­კე­ტი­ლი, რომ­ლე­ბიც სა­პარ­ლა­მენ­ტო არ­ჩევ­ნე­ბის შე­დე­გებს აპ­რო­ტეს­ტებ­დნენ.

გა­დავ­ხე­დოთ ღა­მის ქრო­ნი­კას და ივ. ჯა­ვა­ხიშ­ვი­ლის სა­ხე­ლო­ბის სა­ხელ­მწი­ფო უნი­ვერ­სი­ტე­ტის პირ­ვე­ლი კორ­პუ­სის მიმ­დე­ბა­რედ გან­ვი­თა­რე­ბულ მოვ­ლე­ნებს .

გამ­თე­ნი­ის 5 სა­ა­თამ­დე ტე­რი­ტო­რი­ა­ზე სიმ­შვი­დე იყო, ად­გილ­ზე რჩე­ბო­და პრო­ტეს­ტან­ტთა არც ისე დიდი რა­ო­დე­ნო­ბა.

სა­მარ­თალ­დამ­ცა­ვე­ბი ჭავ­ჭა­ვა­ძის გამ­ზირ­ზე და რა­მიშ­ვი­ლის ქუ­ჩის მიმ­დე­ბა­რედ სა­მარ­თალ­დამ­ცველ­თა მო­ბი­ლი­ზა­ცი­აა ჭავ­ჭა­ვა­ძის გამ­ზირ­ზე სა­მარ­თალ­დამ­ცველ­თა მო­ბი­ლი­ზა­ცია და­ახ­ლო­ე­ბით 5 სა­ა­თის­თვის და­ი­წყო,

სა­მარ­თალ­დამ­ცა­ვი უწყე­ბის თა­ნამ­შრომ­ლე­ბი, სა­ვა­რა­უ­დოდ, კრი­მი­ნა­ლუ­რი პო­ლი­ცი­ის თა­ნამ­შრომ­ლე­ბი იყ­ვნენ, რომ­ლებ­საც სახე ნიღ­ბე­ბით ჰქონ­დათ და­ფა­რუ­ლი.

ასე­ვე, სა­მარ­თალ­დამ­ცა­ვე­ბის გან­სა­კუთ­რე­ბუ­ლი მო­ბი­ლი­ზე­ბა შე­ი­ნიშ­ნე­ბო­და რა­მიშ­ვი­ლის ქუ­ჩა­ზე და მის მიმ­დე­ბა­რედ. ად­გილ­ზე მო­ბი­ლი­ზე­ბუ­ლი იყო 30 – ზე მეტი ავ­ტო­ბუ­სი.

რო­გორც “ინ­ტერპრეს­ნი­უ­სის” კო­რეს­პონ­დენ­ტი ად­გი­ლი­დან იუ­წყე­ბა გან­სა­კუთ­რე­ბულ და­ვა­ლე­ბა­თა დე­პარ­ტა­მენ­ტის თა­ნამ­შრომ­ლე­ბი, სა­ვა­რა­უ­დოდ, ემ­ზა­დე­ბი­ან ჭავ­ჭა­ვა­ძის გამ­ზი­რის მი­მარ­თუ­ლე­ბით გა­სას­ვლე­ლად.

• შსს-ს გაფრ­თხი­ლე­ბა

და­ახ­ლო­ე­ბით 05:45 წუთ­ზე შსს-მა ჭავ­ჭა­ვა­ძის გამ­ზირ­ზე აქ­ცი­ის ორ­გა­ნი­ზა­ტო­რებ­სა და მო­ნა­წი­ლე­ებს მო­უ­წო­და, და­ე­მორ­ჩი­ლე­ბოდ­ნენ პო­ლი­ცი­ის კა­ნო­ნი­ერ მო­თხოვ­ნას, წი­ნა­აღ­მდეგ შემ­თხვე­ვა­ში, ში­ნა­გან საქ­მე­თა სა­მი­ნის­ტრო გა­მო­ი­ყე­ნებ­და სა­ქარ­თვე­ლოს კა­ნონ­მდებ­ლო­ბით გათ­ვა­ლის­წი­ნე­ბულ ზო­მებს.

.

შსს-ს გან­ცხა­დე­ბის თა­ნახ­მად, მა­ნი­ფეს­ტა­ცი­ის ორ­გა­ნი­ზა­ტო­რებ­სა და მო­ნა­წი­ლე­ებს მი­ე­ცათ 15-წუ­თი­ა­ნი ვადა, რათა გა­ე­თა­ვი­სუფ­ლე­ბი­ნათ და­კა­ვე­ბუ­ლი ტე­რი­ტო­რია. სა­ვა­ლი ნა­წი­ლის გახ­სნი­სა და ტრან­სპორ­ტის მოძ­რა­ო­ბის აღ­სად­გე­ნად. წი­ნა­აღ­მდეგ შემ­თხვე­ვა­ში, ში­ნა­გან საქ­მე­თა სა­მი­ნის­ტრო გა­მო­ი­ყე­ნებს სა­ქარ­თვე­ლოს კა­ნონ­მდებ­ლო­ბით გათ­ვა­ლის­წი­ნე­ბულ ზო­მებს.

მა­ლე­ვე სა­მარ­თალ­დამ­ცვე­ლებ­მა, რომ­ლე­ბიც ვა­კის პო­ლი­ცი­ის მიმ­დე­ბა­რე ტე­რი­ტო­რი­ა­ზე იმ­ყო­ფე­ბოდ­ნენ, ჭავ­ჭა­ვა­ძის გამ­ზირ­ზე გა­და­ი­ნაც­ვლეს.

სა­მარ­თალ­დამ­ცა­ვებ­თან ერ­თად, ად­გილ­ზე გა­მოჩ­ნდა რამ­დე­ნი­მე წყლის ჭავ­ლის მან­ქა­ნა, ასე­ვე, რამ­დე­ნი­მე სა­ხან­ძრო-სა­მაშ­ვე­ლო მან­ქა­ნა.

მო­მი­ტინ­გე­ებ­მა ჭავ­ჭა­ვა­ძის გამ­ზი­რის იმ მო­ნაკ­ვეთ­ზე, სა­დაც სპე­ცი­ა­ლუ­რი და­ნიშ­ნუ­ლე­ბის რაზ­მი იყო გან­ლა­გე­ბუ­ლი, ნაგ­ვის ურ­ნე­ბის სა­შუ­ა­ლე­ბით ბა­რი­კა­დე­ბი აღ­მარ­თეს.

პო­ლი­ცი­ე­ლე­ბი აქ­ცი­ის მო­ნა­წი­ლე­ებს დაშ­ლის შე­სა­ხებ აფრ­თხი­ლებ­დნენ. სა­მარ­თალ­დამ­ცვე­ლებს ოპო­ზი­ცი­ის ლი­დე­რე­ბი ელე­ნე ხოშ­ტა­რია და ნიკა მე­ლია გა­ე­სა­უბრნენ. პო­ლი­ცი­ამ მათ ჭავ­ჭა­ვა­ძის გამ­ზი­რის და­ტო­ვე­ბის­კენ მო­უ­წო­და.

მა­ლე­ვე სპე­ცი­ა­ლუ­რი და­ნიშ­ნუ­ლე­ბის რაზ­მის წარ­მო­მად­გენ­ლებ­მა თსუ-ს პირ­ვე­ლი კორ­პუ­სის მიმ­დე­ბა­რე ტე­რი­ტო­რი­ის აქ­ცი­ის მო­ნა­წი­ლე­ე­ბის­გან გაწ­მენ­და და­ი­წყეს. სა­მარ­თალ­დამ­ცა­ვებ­მა და­შა­ლეს კარ­ვე­ბიც. ასე­ვე, ევა­კუ­ა­ტო­რით გა­იყ­ვა­ნეს ად­გილ­ზე გან­თავ­სე­ბუ­ლი მან­ქა­ნე­ბი, რომ­ლი­თაც გზე­ბი იყო გა­და­კე­ტი­ლი.

და­ახ­ლო­ე­ბით 7 სა­ა­თის­თვის თსუ-ს პირ­ვე­ლი კორ­პუ­სის მიმ­დე­ბა­რე ტე­რი­ტო­რია სრუ­ლად სა­მარ­თალ­დამ­ცა­ვებ­მა და­ა­კა­ვეს. სა­პო­ლი­ციო ძა­ლე­ბი, მათ შო­რის სპეც­რაზ­მი გან­თავ­სდა,რო­გორც ჭავ­ჭა­ვა­ძის გამ­ზი­რის და­სა­წყის­ში, ისე ვა­რა­ზის­ხევ­ზე, კე­კე­ლი­ძის ქუ­ჩა­სა და მე­ლი­ქიშ­ვი­ლის გამ­ზირ­ზე.

თბი­ლი­სის მე­რი­ის და­სუფ­თა­ვე­ბის სამ­სა­ხურ­მა კი ჭავ­ჭა­ვა­ძის გამ­ზირ­ზე და­სუფ­თა­ვე­ბის სა­მუ­შა­ო­ე­ბი და­ი­წყო.

სპეც­რაზმმა ნელ-ნელა ტე­რი­ტო­რია და­ტო­ვა, ად­გილ­ზე მხო­ლოდ პო­ლი­ცი­ე­ლე­ბი დარ­ჩნენ. ტე­რი­ტო­რი­ი­დან გა­იყ­ვა­ნეს წყლის ჭავ­ლი­სა და სა­ხან­ძრო-სა­მაშ­ვე­ლო ავ­ტო­მო­ბი­ლე­ბიც.

• და­კა­ვე­ბე­ბი მე­ლი­ქიშ­ვილ­ზე

მა­ლე­ვე, მე­ლი­ქიშ­ვი­ლის გამ­ზირ­ზე, პო­ლი­ცი­ა­სა და აქ­ცი­ის მო­ნა­წი­ლე­ებს შო­რის ფი­ზი­კუ­რი და­პი­რის­პი­რე­ბა და­ი­წყო.

ეს მას მერე მოხ­და” რაც პო­ლი­ცია მე­ლი­ქიშ­ვი­ლის გამ­ზირ­ზე გა­მოჩ­ნდა და მო­მი­ტინ­გე­ებს გამ­ზი­რის და­ტო­ვე­ბის­კენ მო­უ­წო­და.

დააკავეს რამ­დე­ნი­მე პირი, მათ შო­რის, “მთა­ვა­რი” არ­ხის ოპე­რა­ტო­რი სერ­გი ბა­რა­მი­ძე, რო­მე­ლიც იმ დროს და­ა­კა­ვეს, როცა სამ­სა­ხუ­რებ­რივ მო­ვა­ლე­ო­ბას ას­რუ­ლებ­და და ვი­დე­ო­კა­მე­რით მიმ­დი­ნა­რე მოვ­ლე­ნებს – კონ­კრე­ტუ­ლად კი, და­პი­რის­პი­რე­ბის ერთ-ერთ შემ­თხვე­ვას იღებ­და.

ტე­ლე­კომ­პა­ნი­ის ინ­ფორ­მა­ცი­ით, სა­მარ­თალ­დამ­ცა­ვებ­მა და­კა­ვე­ბი­სას ოპე­რა­ტორ­ზე ფი­ზი­კუ­რად იძა­ლა­დეს.

იყო ოპო­ზი­ცი­ის ერთ-ერთი ლი­დე­რის, ნიკა მე­ლი­ას და­კა­ვე­ბის მცდე­ლო­ბაც.

უფ­ლე­ბა­დამ­ცვე­ლე­ბის ინ­ფორ­მა­ცი­ით, მე­ლი­ქიშ­ვი­ლის გამ­ზირ­ზე სულ 11 პირი და­ა­კა­ვეს.

ოპო­ზი­ცი­ის ერთ ერთი ლი­დე­რის ნიკა გვა­რა­მი­ას თქმით, აქ­ცი­ე­ბი კვლავ გაგ­რძელ­დე­ბა.

“აქ­ცი­ე­ბი ისევ გაგ­რძელ­დე­ბა, სხვა ად­გი­ლას ან ისევ ჭავ­ჭა­ვა­ძე­ზე – ჩვენ ძა­ლის გა­მო­ყე­ნე­ბის გა­რე­შე გა­ვა­თა­ვი­სუფ­ლებთ ამათ­გან ამ ქვე­ყა­ნას”, – გა­ნა­ცხა­და მან.

სა­მარ­თალ­დამ­ცა­ვებ­მა მე­ლი­ქიშ­ვი­ლის გამ­ზირ­ზე კორ­დო­ნი შექ­მნეს. აქ­ცი­ის მო­ნა­წი­ლე­ე­ბი კვლავ გამ­ზირ­ზე რჩე­ბი­ან.