რამდენიმე თვის წინ, კახეთში, გურჯაანის მუნიციპალიტეტის სოფელ ვაჩნაძიანში ავტოსაგზაო შემთხვევას “კოალიცია ცვლილებებისთვის“ შტაბის წევრი ელენე მეგრელიშვილი ემსხვერპლა. ცენტრალურ მაგისტრალზე ერთმანეთს საპირისპიროდ მოძრავი 2 მსუბუქი ავტომობილი შეეჯახა. შედეგად ადგილზე გარდაიცვალა ელენე, რომელიც ავტომობილს მართავდა, სამი ადამიანი კი მძიმედ დაშავდა.
- ავარიის დროს მძიმედ დაშავდა ელენეს მეგობარი, ასევე კოალიციის წევრი ანა ქართლელიშვილი.
ანა დღემდე რეაბილიტაციას გადის. როგორც “ახალის” წევრი, ანი ქავთარაძე წერს, ის დღემდე ზონდით იკვებება და ტრაქეოსტომული მილი უდგას. ანას საზოგადოების მხრიდან ფინანსური დახმარება ესაჭიროება.
“ალბათ ყველას გახსოვთ, “ახალის” თავს დატრიალებული ტრაგედია, რომლის დროსაც დავკარგეთ ჩვენი, ძვირფასი ელენე მეგრელიშვილი. ანა ქართველიშვილი კი – ძალიან, ძალიან მძიმედ დაშავდა.
ჩვენმა ქართლელამ“, ურთულესი გზა გამოიარა იმ მომენტიდან დღევანდელ დღემდე. მას მნიშვნელოვანი პროგრესი აქვს, როგორც მოძრაობის, ასევე ცნობიერების თვალსაზრისით. თუმცა, ჯერ კიდევ ზონდით იკვებება და ტრაქეოსტომული მილი უდგას, საჭიროებს ექიმებისა და ექთნების მუდმივ მეთვალყურეობას, ვარჯიშს, მასაჟს და ა.შ. მაგრამ იმედია, მალე ესეც აღარ იქნება და შეუდგება კიდევ უფრო ინტენსიური და სრულფასოვანი რეაბილიტაციის პროცესს.
აქვე მადლობა უნდა ვუთხრათ თითოეულ ადამიანს, ვინც გულთან ახლოს მიიტანა ეს, მტკივნეული ამბავი და წვლილი შეიტანა ჯერ მის გადარჩენაში, შემდეგ კი ამ კონდიციამდე მოყვანაში. მადლობა ყველას, ვინც დღემდე კითხულობს მისი ჯანმრთელობის მდგომარეობას.
მეგობრებო, ანას საბოლოო მიზნამდე კიდევ გრძელი გზა აქვს გასავლელი, ამ ეტაპამდე დანახარჯი თვეში დაახლოებით16000 ლარს შეადგენს. სწორედ ამიტომ, ახლა უკვე გვჭირდება გაერთიანება და ამ პროცესის ფინანსური უზრუნველყოფა. ჩვენ ეს არაერთხელ მოგვიხერხებია და მჯერა, ახლაც შევძლებთ.
- ვუთითებ ჩვენი მეგობრის, Giorgi Butikashvili -ის ანგარიშის ნომერს, რომელსაც ჩავაბარეთ ანნას სამედიცინო ხარჯების ფინანსური მენეჯმენტი.
- BOG: #GE83BG0000000589545431
- TBC: #GE06TB7157736010300019
- მიმღები: გიორგი ბუტიკაშვილი
- დანიშნულება: ქართლელასთვის
ცალკე და განსაკუთრებული მადლობა თელავის რაიონული საავადმყოფოს მედპერსონალს, მათ პროფესიონალიზმს და გულისხმიერებას, რომელმაც ქართლელას სიცოცხლე იხსნა სიკვდილისგან (ამ ნაწილზე აუცილებლად მოგიყვებით ცალკე). ნიკა გვარამიას- ბევრი რამისთვის, როდისმე ამასაც მოვყვები ისე, რომ არ ‘მომხვდეს’ .
მრავალ შობა-ახალ წელს და აბა, ჩვენ ვიცით! ქართლელას დიდი წვლილი აქვს ნამდვილი, ევროპული საქართველოსთვის ბრძოლაში და იმსახურებს, გამოჯანმრთელებულს, სწორედ ასეთი დავახვედროთ,“ – წერს ანი ქავთარაძე.
