თითქმის ყველა მიწის ნაკვეთზე დაინახავთ, რომ ხის ტოტები ერთი ეზოდან მეორეში გადადის და ხშირად ეს ტოტები ხეხილითაა დახუნძლული. ვის ეკუთვნის მეზობლის ეზოში გადასული ნაყოფი, ხის პატრონს თუ მიწის მფლობელს? აქვს მას უფლება, მოკრიფოს მეზობლის ხილი, რადგან მის ნაკვეთზეა გადმოსული? მსგავსი დავები, როგორც აღმოჩნდა, საკმაოდ ხშირია და ამის შესახებ ადვოკატი ვახტანგ მაჭავარიანი საუბრობს.„სამოქალაქო კოდექსში ცალკე თავად არის გამოყოფილი სამეზობლო სამართალი და მსგავს შემთხვევებს 178-ე მუხლი არეგულირებს. კანომის მიხედვით, სანამ ნაყოფი ხეზეა, ის ხის მესაკუთრეს ეკუთვნის. ნაყოფი მიწაზე უნდა დავარდეს, რომ ხის მეპატრონემ მასზე მფლობელობა დაკარგოს, ხოლო მიწის მესაკუთრეს ეს უფლება გაუჩნდეს. თან საინტერესოა, რომ ნაყოფის ცვენა ბუნებრივი ფაქტპრებით უნდა მოხდეს – დამწიფებით ან ამინდის უმნიშვნელო ცვლილებით. თუ ხეს პატრონი ბერტყავს, ან წვიმამ მთელი ნაყოფი ძირს ჩამოიტანა, ცხადია, რომ მიწის მესაკუთრეს ვერ მიეცემა ნაყოფის მითვისების საშუალება. თუმცა მისის მესაკუთრეს ტოტების მოჭრა შეუძლია და არა მარტო ტოტების – შეუძლია ფესვებიც მიაყოლოს, თუ მის მხარეს არის გადასული. თუმცა მოუწევს ახსნა, რას უშლიდა ეს ტოტები თუ ფესვები. თუ მისი მიწის ნაყოფიერებაზე ცუდად მოქმედებდა მეზობლის ხისგან შემოსული ფესვები, ან ტოტები უბნელებენ სარკმელს, გასაგებია. მაგრამ თუ მარტო იმიტომ ჭრი, რომ ბავშვები თავს ვერ იკავებენ მოკრეფისგან, მაშინ ზიანის ანაზღაურება მოუწევს და მეზობლებთანაც გაიფუჭებს ურთიერთობას. ამიტომ მეზობლობას შეთანხმება და სიამტკბილობა სჭირდება.“ – ამბობს ვახტანგ მაჭავარიანი სოციალურ ქსელში გამოქვეყნებულ ვიდეოში.
Related Posts
🎥 „მეკითხებიან, თუ უსინათლო ხარ, როგორ შეგიყვარდა, როგორ შეუყვარდი მას, ან შვილები როგორ გააჩინე?“- მაგდა ბეჟანიშვილის ისტორია
ადაცემა „დილა მშვიდობისა საქართველოს“ სტუმარი მაგდა ბეჟანიშვილი იყო, მაგდა უსინათლოა და ეს მდგომარეობა არა თუ ხელს უშლის, არამედ აძლიერებს მას,…
„ხვიჩაზე ცოტათი გაბრაზებული ვარ, რას ამბობს ლეგენდარული ფეხბურთელი…“ – გუტი, VIDEO
„რეალის“ ყოფილმა ფეხბურთელმა, გუტი ერნანდესმა ხვიჩა კვარაცხელიაზე ისაუბრა. გუტი სპორტული გადაცემის, El Chiringuito de Jugones-ის სტუმარი იყო და „კვარას“ მისთვის…
ძალიან გემრიელი ქადა საკუთარი ხელით. გთავაზობთ მარტივ რეცეპტს
რას სჯობს სახლში მომზადებულ ქადას? განსაკუთრებით გემრიელი ის ფინჯან ყავასთან, ჩაისთან და თბილ რძესთან ერთად არის. ხრაშუნა ქერქი, ზომიერად ტკბილი…