ცნობილი გახდა, რომ ამერიკაში საქართველოს მოქალაქე, მიხეილ ჩხიკვიშვილი დააკავეს. მას ბრალად ედება სიძულვილის დანაშაულის გაღვივება და მასობრივი ძალადობის დაგეგმვა. 20 წლის ჩხიკვიშვილის ცნობილი მეტსახელებია: “მეთაური ყასაბი”; “მიშკა” და “ყასაბი”.
აშშ-ის იუსტიციის დეპარტამენტის მიერ გავრცელებულ განცხადებაში ნათქვამია, რომ ის, სავარაუდოდ, მანიაკური მკვლელობის კულტის ლიდერია. აღნიშნული კულტი ცნობილია, როგორც Maniacs Murder Cult, საერთაშორისო ექსტრემისტული დაჯგუფება.
გავრცელებული ინფორმაციით, კულტი მიჰყვება ნეონაცისტურ იდეოლოგიას, ხელს უწყობს ძალადობასა და ძალადობრივ ქმედებებს რასობრივი უმცირესობების, კერძოდ, ებრაული თემისა და სხვა ჯგუფების მიმართ, რომლებსაც “არასასურველად” მიიჩნევენ.როგორ დააკავეს “მეთაური ყასაბი”
ექსტრემისტული ნეონაცისტური ჯგუფის Maniac Murder Cult (MKY) 20 წლის ლიდერი, მიხეილ ჩხიკვიშვილი, 8 ივლისს კიშინიოვში ინტერპოლის მოთხოვნით დააკავეს და აშშ-ის ხელისუფლებას გადასცეს.
ორშაბათს, 15 ივლისს, ქართველ ნეონაცისტს ბრალი ნიუ-იორკში ებრაელებზე მასობრივი თავდასხმების დაგეგმვაში წაუყენეს, – წერს New York Jewish News.
ნიუ-იორკის პროკურორების თქმით, 20 წლის მიხეილ ჩხიკვიშვილი, ასევე ცნობილი როგორც „მეთაური ყასაბი“, ბრუკლინის ებრაულ სკოლებში ბავშვებისთვის მოწამლული ტკბილეულის დარიგებას გეგმავდა. მას ასევე დაგეგმილი ჰქონდა თავდასხმების სერია უმცირესობებზე.როგორც ექსტრემისტული დაჯგუფების Maniac Murder Cult (MKY) ლიდერს ბრუკლინში, ნიუ-იორკის აღმოსავლეთ საოლქო სასამართლოში ბრალი ოთხი მუხლით წაუყენეს. შეგახსენებთ, რომ ის კიშინიოვში (მოლდოვა) 8 ივლისს ინტერპოლის ორდერით დააკავეს. მოლდოვის სასაზღვრო პოლიციის ცნობაში ნათქვამია, რომ მოლდოვის უშიშროების სამსახურის თანამშრომლებმა დააკავეს აშშ-ისა და ინტერპოლის მიერ ძებნილი, ტერორიზმში ეჭვმიტანილი 19 და 20 წლის საქართველოს მოქალაქეები, რომლებიც “სტამბოლი-კიშინიოვის” რეისის მგზავრები აღმოჩნდნენ.
“ბრალდებულმა სცადა დაექირავებინა ადამიანები ძალადობრივი თავდასხმებისა და მკვლელობების ჩასადენად საკუთარი ნეონაცისტური იდეოლოგიების გასაძლიერებლად. მისი მიზანი იყო სიძულვილის, შიშისა და ნგრევის გავრცელება დაბომბვის, ცეცხლის წაკიდების წახალისებით და ბავშვების მოწამვლითაც კი, რასობრივი უმცირესობების, ებრაული თემისა და უსახლკარო პირებისთვის ზიანის მიყენების მიზნით”, – განაცხადა შეერთებული შტატების პროკურორმა პისმა.
MKY არის საერთაშორისო ექსტრემისტული ჯგუფი, რომელიც იცავს ნეონაცისტურ იდეოლოგიას, ხელს უწყობს ძალადობას ებრაელებისა და სხვა უმცირესობების წინააღმდეგ. აშშ-ის პროკურატურის ინფორმაციით, არალეგალური ორგანიზაცია დაფუძნებულია რუსეთსა და უკრაინაში, გარდა ამისა, მას ჰყავს მხარდამჭერები აშშ-ში და სხვა ქვეყნებში.
MKY-ის წევრები იზიარებენ საერთო მიზანს – დაუპირისპირდნენ საზოგადოებრივ წესრიგსა და მთავრობებს ტერორიზმისა და ძალადობის აქტებით, რისი საშუალებითაც ავრცელებენ შიშსა და ქაოსს” – ნათქვამია ჩხიკვიშვილის სისხლის სამართლის ბრალდებაში.
აქვე აღნიშნულია, რომ 2021 წლის სექტემბერში ჩხიკვიშვილმა დაწერა და გაავრცელა მანიფესტი სახელწოდებით “მოძულის მანიფესტი” The Hater’s Handbook, სადაც განმარტებულია MKY-ის მიზნები. დოკუმენტში ჩხიკვიშვილი მოუწოდებს ეთნიკურ წმენდისა და ძალადობის შესახებ, მათ შორის სროლას სკოლაში, ბავშვების გამოყენებას თვითმკვლელობებში და მასობრივტერაქტებში, მათ შორის შეერთებულ შტატებში.
თბილისში მცხოვრები ჩხიკვიშვილი ბრუკლინში ბებიას მოსანახულებლად 2022 წლის ივნისში ჩავიდა. 2022 წლის ივლისიდან ის იყენებს შეტყობინებების აპებს ძალადობის მოწოდებების გასავრცელებლად, MKY-ის მხარდასაჭერად ნიუ-იორკში და სხვაგან. შეტყობინებები მოიცავდა ცემის, დაჭრისა და სხვა თავდასხმების კადრებს და მხარდამჭერების გადაბირების მცდელობებს, რომლებსაც ჰქონდათ ასაფეთქებელი ნივთიერებების, ბიოლოგიური და ქიმიური იარაღის გამოყენების გამოცდილება. საბრალდებო დასკვნა მოიცავს ჯგუფის ფოტოებს, სადაც ნაჩვენები იყო ნაცისტების ფორმაში გამოწყობილი მამაკაცი და ნიღბიანი მამაკაცი, რომელსაც სისხლიანი ცული ეჭირა.
ორგანიზაცია აღმოაჩინეს FBI-ს ფარული აგენტის მუშაობის წყალობით, რომელმაც შეაღწია მასში და მოიპოვა მისი ლიდერის ნდობა.
2023 წლის ნოემბერში ჩხიკვიშვილმა მიმდევრებს შესთავაზა მასობრივი თავდასხმა ნიუ-იორკში, რომლის დროსაც სანტა კლაუსის ფორმაში გამოწყობილი მამაკაცი უმცირესობებს მოწამლულ კანფეტს დაურიგებდა. სქემა ასევე მოიცავდა ებრაულ სკოლებში ბავშვებისთვის მოწამლული ტკბილეულის დარიგებას. ბრალდებული ასევე განიხილავდა შეერთებულ შტატებში ებრაელთა დევნას სხვა ნეონაცისტური ჯგუფის ლიდერთან, სახელწოდებით Feuerkrieg Division, ან FKD.
ამავე დროს, მან განაცხადა, რომ მისმა ორგანიზაციამ უკვე ჩაიდინა ებრაელების არაერთი მკვლელობა იდეოლოგიური მიზეზების გამო.
„მე ვმუშაობ კერძო ებრაული ოჯახის სარეაბილიტაციო ცენტრში. ფულს ვიღებ მომაკვდავი ებრაელის წამებისთვის. მგონი დღეს კინაღამ მოვკალი. თუმცა მალე მოკვდება.“ – წერდა ჩხიკვიშვილი მხარდამჭერებს ერთ-ერთ მესიჯში და საავადმყოფოს საწოლში მისი სავარაუდო მსხვერპლის ფოტოებს უგზავნიდა.
ნიუ-დამტკიცების შემთხვევაში, ჩხიკვიშვილს 50 წლით თავისუფლების აღკვეთა ემუქრება.იორკის გაერთიანებულმა ტერორისტულმა სამუშაო ჯგუფმა დაადგინა, რომ ჩხიკვიშვილი რეალურად მუშაობდა ბრუკლინის სარეაბილიტაციო ცენტრში და ის დაიქირავა მართლმადიდებელმა ებრაულმა ოჯახმა ოჯახის წევრზე ზრუნვისთვის.
ჩხიკვიშვილმა შეადგინა ეტაპობრივი გეგმა და საიდუმლო აგენტს გაუგზავნა სახელმძღვანელოები სასიკვდილო შხამების შექმნის შესახებ. ასევე მოუწოდებდა, რომ გადაეღო ძალადობრივი აქტები. ზოგიერთი გეგმა უკავშირდებოდა რადიკალურ ისლამისტურ დაჯგუფებებს, როგორიცაა ისლამური სახელმწიფო და ჩხიკვიშვილი ხშირად ადიდებდა ჯიჰადისტურ იდეოლოგიას.
ჩხიკვიშვილს ბრალად ედება მძიმე დანაშაულის ჩადენა, დანაშაულის ჩადენისკენ წაქეზება; ასაფეთქებელი მოწყობილობების დამზადებისა და გამოყენების შესახებ ინფორმაციის გავრცელება, ასევე მუქარის შემცველი შეტყობინებების გაგზავნა.
აშშ-ის საგამოძიებო უწყების ცნობით, ჩხიკვიშვილს განზრახული ჰქონდა, რომ დაგეგმილი თავდასხმა იქნებოდა იმაზე დიდი, ვიდრე 2011 წელს, ნორვეგიაში, ანდრეს ბრეივიკის მიერ, რომელმაც 77 ადამიანი მოკლა. ის ამბობდა, რომ ადრე ჩაიდინა სხვა სიძულვილის დანაშაულები, როდესაც ბრუკლინში ცხოვრობდა 2022 წელს
ბრალის დამტკიცების შემთხვევაში, ჩხიკვიშვილს 50 წლით თავისუფლების აღკვეთა ემუქრება.
