პეტრე კოლხი წმინდა სინოდის წევრებთან შეხვედრის დეტალებს ასაჯაროებს. როგოც ის წერს, ამ ეტაპზე მას აკრძალული აქვს წირვა-ლოცვის ჩატარება. თუმცა, მადლობას უხდის მეუფეებს იმ ახალი შესაძლებლობებისთვის, რომელიც მას მისცეს:
“არ ვიქნები მართალი, რომ ეს არ ვთქვა… ვიცი, უამრავ ადამიანს აინტერესებს და განსაკუთრებით მათ, ვინც ჩემი ახლობელია, მეგობარი და ტაძრის წევრი…
დღეს ვიყავი საპატრიარქოში მისული, შეხვედრა მქონდა წმინდა სინოდის წევრებთან… საუბარს ესწრებოდნენ: მეუფე შიო, მეუფე იოანე, მეუფე ანდრია, მეუფე თეოდორე, დეკანოზი მიქაელ ბოტკოველი, დეკანოზი ანდრია ჯაღმაიძე, დეკამოზი ლონგინოზ სუარიშვილი.
მადლიერი ვარ ყველა მათგანის, მათაც ვუთხარი, მაგრამ საჯაროდაც მსურს მადლიერება გამოვხატო… მეტი გაგება, მოსმენა და მსჯელობა უბრალოდ, შეუძლებელია… ბევრი დაფიქრება და ანალიზი მჭირდება, სად და როგორ მინდა ვიყო… მეუფე შიო ყოველთვის გამოირჩევა გულისხმიერებით და გაგების უნარით…
- ამ ეტაპზე წირვა-ლოცვის ჩატარება შეჩერებულია, უნდა ვიფიქრო, მაგრამ ვბრუნდები ტაძარში და მეუფე შიოს დახმარებით, დავაარსებთ სამრევლო სკოლას. ლექციებს წავიკითხავ საქართველოს ისტორიაში, კატეხიზმოსა და ქართულ ლიტერატურაში!…
Lela Merabishvili, ყველაზე მეტად შენ გილოცავ, ვიცი, რა ბედნიერი იქნები… ანასაც უთხარი და დანარჩენებსაც, ვისაც ახარებს ეს ფაქტი!…მადლობა იესოს და ყველას, ვინც დღეს შემხვდა!“, – წერს პეტრე კოლხი.
შეგახსენებთ რომ მიმდინარე წლის თებერვალში გავრცელდა სინოდალური კომისიის მიმართვა პატრიარქისადმი, სადაც ისინი კოლხისთვის მღვდელმსახურების უფლების შეჩერებას სთხოვდნენ.
“მცხეთა-თბილისის ეპარქიის მღვდელმსახური, დეკანოზი პეტრე კვარაცხელია, მღვდლისთვის შეუფერებელი ქმედებებისა და გამონათქვამების გამო სამგზის იყო დაბარებული კომისიაზე, მაგრამ არ გამოცხადდა არასაპატიო მიზეზით, – უცხოეთში ყოფნის გამო“, – ნათქვამია განცხადებაში.
როგორც სინოდალურ კომისიაში აღნიშნეს, უცხოეთში გამგზავრებაზე მას, გაფრთხილების მიუხედავად, კურთხევა არ ჰქონდა აღებული. კომისიამ არასაპატიოდ სცნო მისი არგუმენტები
