ბათუმში, ერთ-ერთ საცხოვრებელ სახლში ხანძარია

გამოქვეყნდა: 25 წუთის წინ

ბათუმში, ერთ-ერთ საცხოვრებელ სახლში ხანძარია – ინფორმაციას ადგილობრივი გამოცემა AJARATIMES.GE ავრცელებს და წერს, რომ ცეცხლი კობალაძის ქუჩაზე, კორპუსის მეორე სართულზე არსებულ ერთ-ერთ ბინაში გაჩნდა. 

ადგილზე მეხანძრე-მაშველები იმყოფებიან. 

მოგვიანებით, საგანგებო სიტუაციების მართვის სამსახურში “მთავარი არხის” ვებგვერდს უთხრეს, რომ ცეცხლი უკვე ლიკვიდირებულია და შემთხვევის შედეგად არავინ დაშავებულა. მათივე ცნობით, ხანძარი სამზარეულოში გაჩნდა, თუმცა რამ გამოიწვია ის, უცნობია.

ფოტო: “აჭარა თაიმს”-ის ლაივიდან