ფონიჭალაში – 13 ნომერში მდებარე კორპუსში, ორ ადამიანს სავარაუდოდ ცივი იარაღით ჭრილობები მიაყენეს. როგორც რადიო „ფორტუნას“ შსს-ში განუცხადეს, შემთხვევაზე გამოძიება 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.
გავრცელებული ინფორმაციითვე, აღნიშნულ მისამართზე ცხოვრობს ბერი ნიკოლოზი (ნარიმანი), სადაც სწორედ ბერი ნიკოლოზის მრევლი დაუპირისპირდა ერთმანეთს. დაჭრილები კლინიკაში არიან გადაყვანილებ
მოგვიანებით, ინტერნეტში გავრცელდა ვიდეო, სადაც ჩანს, რომ ბერი ნარიმანის (იგივე ნარიმან მეფე) სადარბაზოში, ბინასთან შეკრებილი მრევლის ნაწილი ერთმანეთს ფიზიკურად დაუპირისპირდა.
„ბავშვი როგორ ჩააგდე კიბიდან“, – ისმის ვიდეოში, შემდეგ კი ფიზიკური დაპირისპირებაც ხდება.
აღნიშნული ინფორმაციის გავრცელებას გამოხმაურება მოჰყვა საზოგადოებაში, სოციალურ ქსელში წერენ, რომ აღნიშნული ტერიტორია ყველაზე საშიში ადგილია ქალაქში, სადაც პატარა ბავშვები დაჰყავთ:
„ბერი ნარიმანის კართან რიგში ჩადგომის გამო იჩხუბეს და 2 ადამიანია დაჭრილი.
რა ქვეყანაც გვაქვს, ეგ ხდებოდა ზუსტად იქ… იმედია ახლა მაინც ეშველება რამე მაგ ამბავს… ყველაზე საშიში ადგილია ამ ქალაქში და პატარა ბავშვები დაჰყავთ“ – წერს თეონა ცხომელიძე.
