სანკტ-პეტერბურგში პოლიციამ მოსკოვსკოეს გზატკეცილზე საცხოვრებელი კორპუსის სარდაფში სამი ბავშვი იპოვა. ორი, ოთხი და ექვსი წლის ბიჭები იქ სრულიად ანტისანიტარიულ პირობებში ცხოვრობდნენ 36 წლის მამაკაცთან ერთად, რომელსაც არანაირი საბუთი არ ჰქონდა. ის საკუთარ თავს მამას უწოდებს, დედამ კი, მისი თქმით, ბიჭები მიატოვა.
იმ მომენტში, როცა პოლიციამ სანკტ-პეტერბურგში ცხრასართულიანი კორპუსის სარდაფი დაარბია, სადაც მამა სამ მაუგლი ბიჭთან ერთად ცხოვრობდა, ბავშვები შიშველები ისხდნენ კომპიუტერთან, ნაგვისა და ჭუჭყის გროვაში. კადრებს სახლიდან აზიარებს SHOT.
36 წლის მამაკაცი, რომელიც საკუთარ თავს ბავშვების მამას უწოდებს, კომპიუტერულ აღჭურვილობას არემონტებს და საკუთარი ბინა არ აქვს. მისი თქმით, ბავშვების დედა შეყვარებულთან ერთად გაიქცა, ამიტომ ის ბავშვებს მარტო ზრდის. სარდაფში კაცმა ლინოლეუმი და ხალიჩები დააგო, მოათავსა ლოგინები და მაგიდები, დაამონტაჟა ტუალეტი და ნიჟარა, რომელიც დააკავშირა საერთო ქსელებს.
ბავშვები ახლა საავადმყოფოში არიან გადაყვანილი, პირველადი გამოკვლევის დროს მათ არანაირი დაავადება არ გამოუვლინდათ. გამოძიება ბიჭების დედას ეძებს, რომელმაც ისინი ექვსი თვის წინ მიატოვა. ქალი ადრეც იყო დევნაში მშობლის მოვალეობის შეუსრულებლობისთვის.
მამაკაცი თავს მზრუნველ მამად თვლის, რომელმაც შვილები არ მიატოვა. თუმცა, პოლიციას ბევრი კითხვა აქვს, რადგან დოკუმენტებში ორ ბავშვს მამის გრაფაში ტირეები აქვს, მესამე კი ოფიციალურად არსად არის დარეგისტრირებული. პროკურატურამ გამოძიება დაიწყო.
