ინდონეზიაში 45 წლის დასაქორწინებელმა მამაკაცმა მეზობელი პენსიონერი კაცი მოკლა, რადგან მან ჰკითხა, “რატომ არ იყო დაქორწინებული?“
- პირად ცხოვრებაზე გახშირებულმა კითხვებმა დასაოჯახებელი მამაკაცი გააღიზიანა და ცნობისმოყვარე პენსიონერს ფიზიკურად გაუსწორდა.
ინდონეზიური მედიის ცნობით, ინციდენტი ჩრდილოეთ სუმატრაში მდებარე სამხრეთ ტაპანულის რაიონში 29 ივლისს მოხდა.
- 60 წლის პენსიონერს 45 წლის კაცი სახლში შეშის ნაჭერით მიუვარდა და ცემა დაუწყო, შემდეგ კი დანით დაჭრა. მედიის ინფორმაციით, ასეთი სასტიკი საქციელის მიზეზი ხანშიშესული მეზობლის გულუბრყვილო კითხვები იყო, რომელიც კაცს გამუდმებით ეკითხებოდა, რატომ არ დაოჯახდა.
პენსიონერმა, რომელიც ადრე საჯარო სამსახურში მაღალ თანამდებობას იკავებდა, თავდამსხმელისგან თავის დაღწევა სცადა, მაგრამ ამაოდ. თავის არეში მიყენებული დარტყმა საბედისწერო აღმოჩნდა… კაცი სასწრაფო დახმარების მისვლამდე გარდაიცვალა.
ერთი საათის შემდეგ, პოლიციამ 45 წლის ინდონეზიელი დააკავა. კაცმა პოლიციაში აღიარა, რომ დაიღალა გაუთავებელი კითხვებით ოჯახურ მდგომარეობასთან დაკავშირებით, ამიტომ თავი დააღწია შეურაცხმყოფელ მეზობელს. გარდაცვლილის მეუღლის თქმით, მისი ქმარსა და მეზობელს ჩხუბი ასევე ქათმების გამო მოსდიოდათ, რადგან მათ ნაკვეთში გადადიოდნენ, რის გამოც მამაკაცები ხშირად ჩხუბობდნენ.
