გუშინ რუსთაველის გამზირზე გამართულ საპროტესტო აქციაზე იმყოფებოდა შალვა რამიშვილის ყოფილი ცოლი თეა აბაშმაძე. მისი თქმით, ის ყოველდღე, შვილებთან ერთად დადის აქციებზე. “ფორმულას” ეთერში აბაშმაძემ ყოფილ ქმარს მიმართა.
- თეა აბაშმაძე:
ყველანი უკვე რისკის ქვეშ ვართ. სიკვდილის რისკის ქვეშ ვართ. ჩემი შვილი აქ მახლავს, მესამე შვილი, უმცროსი. ამის მამას მივმართავ და ვეუბნები, სხვა შვილებიც აქ არიან. იცოდეთ, აქ რომ “ტიტუშკები” დარბიან იარაღიანები, რომლებსაც პროვოკაცია უნდათ და უნდათ, რომ ჩვენ დაგვაბრალონ, რომ ეს მშვიდობიანი მოსახლეობა ვიღაცის თითის ტკენას ვაპირებთ.
- ჩემი სიმწრით გაზრდილი შვილები, ხალხნო, გაჭირვებაში გაზრდილი შვილები ახლა არიან რისკის ქვეშ. მათთვის აუტანელი იყო ყველაფერი რაც ჩვენ თავს გადაგვხდა ამ ადამიანის გამო. ეს ადამიანი ბედავს და ახლა გვმოძღვრავს იქიდან. ვისაც ამ ადამიანის გჯერათ, შეხედეთ ხალხნო, ერთი ჩინოვნიკი მითხარით, რომელიც არ არის მდიდარი. ამათი როგორ გჯერათ მეგობრებო.
ჩვენ ყველანი ერთ ბედ ქვეშ ვართ, ყველანი დაჩაგრული ადამიანები ვართ სისტემის გამო. ყველა მიტინგზე ნამყოფი ვარ, 9 აპრილს ბავშვი ვიყავი და აქ ვიდექი. ახლა უნდა გავიღვიძოთ, ყველა სინდისთან დადექით. ნუ უსმენთ პროპაგანდას, ისინი იტყუებიან, ისინი არიან ტროლების ქარხნები. მოგმართავთ ჩემო საყვარელო ხალხნო, მე ჩემი სამსახურის თანამშრომლებიც ძალიან მიყვარს, ყველას სინდისს მოვუხმობ და ვეხვეწები, გამოფხიზლდით ყველა. ყველგან ვიცი, რომ იარსებებს ერთი თამამი ადამიანი მაინც, იმას შეუძლია შეცვალოს ყველაფერი.
გთხოვთ გამოფხიზლდით ყველანი, დაგვიცავით. თქვენი ადგილი აღარ არის სამსახურებში, უნდა გაჩერდეს სისტემა, უნდა მორჩეს ეს უბედურება, რაშიც გვაცხოვრებენ ამდენი ხანია. ყველაფერი ძალიან შიშველია, სისასტიკე ხდება. როგორ შეიძლება გჯეროდეთ ადამიანების, რომლებიც წაქცეულებს ფეხებს ურტყამენ. მარტო სინდისის წინაშე უნდა დადგეთ ახლა ყველანი.
ყოველდღე აქ ვარ, ლუკმა არ მიჭამია რაც ეს ამბავი ხდება, ყველანი აქ ვართ, მე და ჩემი შვილები. ერთი მოხუცი დედა მყავს სახლში და ისიც ტელევიზორს უყურებს და ტირის. აქ პატიოსანი ადამიანები დგანან მეგობრებო. არ მოტყუვდეთ, გთხოვთ, აქ ყველანი მშვიდობიანები ვართ.
