კენიაში საშიში მანიაკი, სერიული მკვლელი მეტსახელად “ვამპირი”, 12 სხვა მსჯავრდებულთან ერთად, ციხიდან გაიქცა. მედიის ცნობით, პატიმრებს ციხიდან გაქცევაში პოლიციელებიი დაეხმარნენ.
- “ვამპირი” 42 ქალის მკვლელობაშია ბრალდებული. ის 33 წლის კოლინზ ჯუმაისი ჰალუშაა. ჰალუმა დედაქალაქ ნაირობის გიგირის პოლიციის განყოფილებიდან გაქიცა. გამომძიებლები, რომლებიც დაკავებულთა გაქცევის საქმეს იძიებენ, დარწმუნებულნი არიან, რომ რვა ოფიცერი, მათ შორის უბნის ინსპექტორი პატიმრებს გაქცევაში დაეხმარა.
ცნობილია, რომ ჰალუშამ და სხვა პატიმრებმა საკნებში მავთულის ბადეები გაჭრეს და პერიმეტრის კედელზე გადაძვრნენ. დაკავების ცენტრის ხელმძღვანელობამ გაქცევის შესახებ მხოლოდ მაშინ შეიტყო, როცა ოფიცრები საკანში შევიდნენ, რათა იქ მყოფი პატიმრები საუზმისთვის გაეყვანათ
.
- ცნობისთვის, როდესაც კოლინზ ჯუმაის ჰალუშა დააკავეს, მან აღიარა ათობით ქალის მკვლელობა. პოლიციის ინფორმაციით, თავდაპირველად მან თავისი ცოლი მოკლა, რომელიც უგზო-უკვლოდ დაკარგულად ითვლებოდა 2 წლის განმავლობაში.
გამოძიების ხელმძღვანელმა, მოჰამედ ამინმა ის დაახასიათა, როგორც “ფსიქოპათი სერიული მკვლელი, რომელიც პატივს არ სცემს ადამიანის სიცოცხლეს“.
იმავდროულად, ჰალუშას ადვოკატმა, ჯონ მაინა ნდეგვამ ჟურნალისტებს განუცხადა, რომ მისი დაცვის ქვეშ მყოფი უდანაშაულოა და აღიარება მისგან წამების შედეგად მოიპოვეს.
ამ დროისთვის დისციპლინური ზომები იქნა მიღებული რვა თანამშრომლის მიმართ, რომლებმაც ხელი შეუწყეს ჰალუშისა და სხვა პატიმრების გაქცევას.
